افغان موج

موجیم که آسودگی ما عدم ماست
ما زنده بر آنیم که آرام نداریم

FacebookTwitterDiggDeliciousGoogle BookmarksRedditLinkedinRSS Feed

ځواب

نن ټول افغانستان په شد او مد ځواب درکړی

نن ټول ملت یوځای درته یوګډ ځواب درکړی

د جنګ نه ستړي شوي ولسونه سوله غواړي

دوی ځکه نن په ټولو ، یو مُفرد ځواب درکړی

د بد کارپه بدل کی خو ھرڅوک په بدو اوړي

نن ځکه ولسونو درته بد ځواب درکړی

ولس اوس ھوښیارشویدی،په ښه اوبد پوھیږي

نن ټولو ولسونو په خرد ځواب درکړی

د خلکو فیصله ده ، پکی چون او چرا نه شته

نن خلکو په اتفاق درته د رد ځواب درکړی

انکار لدی ځوابه ، نن ھیڅوک کولای نه شي

ولس درته په ډاګه ، مُستند ځواب درکړی

په ضد دی ولسونه ، بیا قیام ته راوتلي

د تیرپه څیریی بیاھم، مُجدد ځواب درکړی

 

الحاج الھام الدین قیام

والدورف/جرمنی